Node: "Conchita Tou"

Conchita Tou

Sinopsia:

Laneko arazoak? Osasuna? Amodioa? Deitu! Zure bizitza ez da zuk espero zenuena?

Zaldibi izeneko kaiola batean bizi zara eta zure amets bakarra hegan egitea da? Deitu! Hildakoren batekin itxi gabeko gairen bat duzu? Deitu! Deitu oraintxe bertan Conchita Touri! Beasaingo eta Euskal Herri osoko mediumik onena. Hemengo, horko eta haratagoko kontaktuetan espezializatua.

Deitu orain eta, jakin ezazu behingoz, zu eta zure senarra nork hil zintuzten. Deitu orain eta jar zaitez Conchitaren eskuetan. Berak bakarrik alda dezake zure bizitza… edo heriotza

 “Conchita Tou” NODE konpainiak Iñaki Cidekin batera sortu eta ekoitzi duen antzezlan berria da, antzerkia, mugimendua eta ikus-entzunezkoak testuinguru eszeniko berean uztartzen dituena.

Ukitu fantasmagorikoak dituen komedia surrealista da, iragarpen okerrez, konpondu gabeko augurioz eta kandela beltzez betea. Utz iezaguzu zure etorkizuna erakusten.

Eguna:

• Urriak 6, domeka: 19:00

Non: Zaraia aretoan

Hizkuntza: Gaztelaniaz

Sarrera: 4 €