MAGIA ASTEA - Gisell, Kidam eta David Blancoren magia emanaldia

GISSEL

Gisell ezaguna da tokiko eta nazioarteko ingurunean bere performanceengatik, non bere originaltasuna, teatraltasuna, aldakortasuna eta emozioa nabarmentzen diren.

Gaur egun Espainian bizi da eta Gabi Pareras maisuarekin hurbileko magian espezializatzen ari da.
International Magicians Society elkarteak aintzatespena eman dio bere performance original eta hunkigarriagatik.

TVE PURA MAGIA 2018 SAIOKO FINALISTA
"Epaimahaiaren bihotz-kolpe saria Frantzia 2018"
«2017ko Espainiako lehen Sari Nazionala»
"FLASOMA 2015 Magia Argumentatuaren Bigarren Sari Latinoamerikarra"

“Sueños de una Maga” ikuskizunak magia, antzerkia eta mimoa batzen ditu familia guztiarentzako saioan. Ikuskizun dinamikoa, dibertigarria eta emozioz betea da eta haur zein nagusi aho zabalik utziko ditu Gisell-ek bere magia trukoekin.

ASIER KIDAM

Gasteizen jaioa, 1984. urtean. 7 urte zituela hasi zen magiarekin interesatzen, mago batek txanpon bat atera zionean belarritik; hiru urte geroago debutatu zuen mago gisa. Geroztik, izugarri gozatu du eszenatoki gainean egin dituen 2.500tik gora emanaldietan.

Sarrera proba egin ondoren, 17 urterekin, Espainiako Ilusionismo Elkartean sartu zen, eta 19rekin bizibide bihurtu zuen bere pasioa.

Eskarmentu handia du magia profesionalean. Espainiako telebista kateetan lan egin du, baita ETBn ere, eta antzokietan, kultur etxeetan, instituzioetan, hezkuntza zentroetan… Baita Iker Galartzaren “Gure Zirkua” ikuskizunaren bira guztietan ere.

Enpresa askoren zerbitzura jarri du bere magia, haien produktuak eta zerbitzuak promozionatze aldera: Mercedes, BBK, ACB, Irizar, JB, Euskaltel, Ecogras… Bestalde, 4 urte eman ditu aktore nagusi gisa “Magia teilatuan” (Txalo Produkzioak S.L.) eta “Magia lapurra” (Txalo Produkzioak S.L.) antzezlanetan. Eta aurkezlelanak ere egin ditu hainbat ekitaldi publikotan.

Gaur egun artista egoiliarra da Paraiso Antzerkiaren KunArte sormen zentroan, Eusko Jaurlaritzak eta Europar Batasunak lagundutako ekimena dena.

DAVID BLANCO

Ilusionista izateaz gain, zuzendari eta produktorea da. Pertsonaia famatuen aurrean magia lanak egin ditu, hala nola, Mick Jagger, Gordon Ramsay, El Rubius eta Tailandiako printzesa.

Londreseko Magic Cilcle magia klubeko partaidea da. 5 hizkuntza menderatzen ditu eta Espainia, Europa eta mundu osoan zehar antzeztu du bere sinpatia eta umore ona zabalduz.