Fun dantz

Fundantz Jaialdiak dantza urbanoak eskainiko ditu Aretxabaletako Kiroldegian datorren martxoaren 9an, 18:30etatik aurrera. Aretxabaletako Udalaren eta BreakOnStage jaialdiaren arteko elkarlanarekin antolatu da. Fundantz Euskal Herriko dantza urbanoen talde onenen koreografien erakuslehio bihurtuko da eta kategoria bakoitzeko irabazleek BreakOnStage jaialdian parte hartzeko aukera izango dute, Apirilaren 6an Bilbao Arenan.

18 taldek parte hartuko dute, gehienez 3 minututako koreografiak eskainiz oso modu dinamikoan. Talde hauek bi kategorietan sailkatuko dira:

• 18:30etan Urban dance Junior: 15 urtetik beherako gazteen ikuskizunak. 8 talde. Irabazleak BreakOnStage jaialdian parte hartuko du.
• 19:00etan Urban Dance Absolutua: 10 taldek parte hartuko dute. Irabazleak BreakOnStage jaialdian parte hartuko du. Koreografria onenak diruz ere sarituko dira.

Besteak veste, hauek dira parte hartuko duten taldeak: B-Wild (Barakaldo), Breathless (Iruñea), Bamboo (Donostia), Feel The Sound (Bilbo)… aurten Debagoienako 4 taldek parte hartuko dute, Aretxabaleta, Eskoriatza, Arrasate edota Bergarako partaideak bere baitan biltzen dituzten taldeak: Junior kategorian “Grasshoper”, “Be Yourself” eta “90's feeling” eta kategoria absolutuan “Free Souls”.

Lehiaketa denez, garrantzitsua izaten da epaimahaikideen figura. Zaragozako puntako hiru dantzari datoz:

• Marcos Pardo: dantza garaikidean aditua.
• Ruben Perez: Urban dance eta breakdance dantzetan aditua
• Pitu: Resistance Crew dantza taldeko kidea eta hip hop dantzan aditua

Epaile hauek, taldeen dantza maila baloratzeaz gain, sinkronia, jantziak, ideia orijinala, musika... baloratu beharko dute. Gainera, erakustaldia eskainiko dute emanaldiaren hasieran.

Eguna:

• Martxoak 9, zapatua: 18:30

Non: Ibarra kiroldegian

Sarrera: 

• Aurrez, Arkupen salgai, 3€
• Lehiatilan 5€