"Dantza casting"

Txema Foro-ren ilusiorik haundiena telebistako dantza programa batean agertzea da. Horretarako kasting gogor bat pasatu beharko du, baina epaimahaiburu den DJ Kasettek ez dio bidea batere erraztuko.

Txemak publikoaren laguntza beharko du epaimahaiak jarritako proba, dantza eta jolasak gainditzeko, eta dantzametroak esango digu telebistarako prest dagoen hala ez.

Lortuko ote du Txemak telebistako saioan sartzea? Zelako probak jarriko dizkio DJ Kasettek?

Haurrei zuzendutako dantzaldi honek antzerkia, martxa eta umorea batzen ditu. Sorpresak agertuko dira, eta denon artean gure herria jai erraldoi baten parte bihurtuko dugu.

Noiz: Ekainak 21, eguaztena - 19:00

Non: Mitarte kalea

Iraupena: 55 min. euskaraz

Norentzat:  + 4 urte