Hondakinen atez ateko bilketa sistema berria

Kaletarrekin bilerak, martxoak 5ean hasiko ditugu eta emango zaien informazioa hurrengokoa da:

Aretxabaletako udalak hondakinen bilketa sistema berria martxan jartzeko hartutako erabakiaren aurrean herritarrak informatzeko Martxoan zehar bilera desberdinak egingo dira herriko gune bakoitzarentzat. Portal edo atari bakoitzean jarriko den bandoaren bidez jakinaraziko da kale edo auzo horri dagokion bilera eguna. Ezin badu portalburuak etorri beste ordezko bat bidali beharko luke.

Bertan bilketa sistema berriaren funtzionamendua azalduko da, hondakin atal bakoitza nola atera beharko den, zein ordutegitan, etab. Bilera hauetan atari bakoitzarentzat karpeta bat banatuko da beraiei dagokien bilketa puntuaren proposamenekin eta formulario batekin. Horregatik atari bakoitzeko ordezkari bat gutxienez etortzea eskatzen da.
 
Karpeta jasotakoan atari bakoitzean bilera egitea eskatzen da karpetan aurkituko duten formularioa atariko etxebizitza guztien artean bete ahal izateko. Bertan zehaztu ahal izango du atari bakoitzak esekitokiaren kokapenarekin ados dagoen edo ez. 15 egunen bueltan, portaleko bizilagunek, Udalari proposatu ahal izango diote beste kokapen proposamen bat.
Era berean papera eta kartoia ateratzeko atarirako edukiontzi komunitarioarekin edo etxebizitza bakoitzak bere ontzi indibidualerik funtzionatzea nahiago duten aukeratu ahal izango dute.
 
Aldi berean martxoaren 3tik 28ra Arkupe kultur etxean Aretxabaletako planoz osatutako erakusketa bat egongo da herritar guztientzako zabalik. Bertan herri osoko bilketa puntuak zeintzuk izango diren ikusi ahal izango da. 
 
Herritarren bilerak bukatzean komertzio eta industriari ere bilera deialdia egingo zaie beraientzako bilketa sistemak nola  funtzionatuko duen azaltzeko.
 
Herritarren bilera guztiak Arkupe kultur etxean izango dira. Jarraian zehazten dira kale/auzo bakoitzarentzat eguna, lekua eta ordua. Egun bakoitzean bat gazteleraz eta bestea euskaraz egingo dira bakoitzak nahi edo ahal duenera etortzeko.