Hika teatro & Oinkari dantza taldea: "Gazte"

KALEKO DANTZA ikuskizun GAZTEA. GAZTEekin egina. GAZTEak mintzo eta mintzgai. Publiko ORORI zuzendua.

Estetika eta lengoaia propio baten bila jarraitzeko asmoak eraginda, ikuskizunak Euskal Dantza abiapuntu izanda, Dantza Garaikidea eta garaiko dantza modernoak eta gorputz mugimendua uztartuko ditu, ahotsari eta testuari ere tokia utzita.

Musika aldetik ere, berrikuntzari ateak irekiko dizkio. Euskal folkloreko doinuei muzinik egin gabe, zuzenean entzungo diren erritmoek oinarri elektronikoa izango dute, Hip hop kulturaren kutsu handiarekin eta elektronikak sortzen dituen giroekin lagunduta.

DANTZA PLAZARATZEA, ez al da ­­­jendea dantzara hurbildu eta gure kaleak biziarazteko modu EDERRA?

Proiektuan, 17 eta 25 urte bitarteko hamahiru dantzari eta bi musikari (DJ bat eta saxofonista bat).

OHARRA: Eguraldi txarra eginez gero, Iturrigorri frontoian egingo da.