Aldi baterako egonaldien programa

Programa honek atsedenaldi bat eskaintzen die familiei mendekotasun-egoeran dauden adinekoei, desgaitasuna duten pertsonei eta gaixotasun mentala dutenei arreta emateko zereginetan.

• EGONALDI LABURRAK: Gehienez, 5 egun hilean, urte osoan.

Hartzaileak

Honako betekizun hauek bete behar dira zerbitzuaren erabiltzaile izateko:

Oro har:

• Eskaera egiten den unean, erabiltzaileak eta zaintzaileak Gipuzkoako Lurralde Historikoan izan behar dute benetako bizilekua

• Erabiltzailearen mendekotasun-egoera aitortua izan behar da. MBBaren balorazio-ziurtagiriaren bidez egiaztatuko da.

• 65 urte beteta izan behar dira, edo eskaera aurkezten den urtean bete, edo 60 urte beteak, desgaitasuna duten pertsonen kasuan (salbuespenak daude).

• Ez da jaso behar zerbitzuari lotutako prestazio ekonomikoa, eta ezta alta emanda egon ere jasotzaile gisa.

• Ez da bizi behar iraunkortasunez adinekoentzako egoitza-zentro publiko edo pribaturen batean, eta ezta egonaldi-zerbitzu hau aldi baterako erabili ere erabiltzailearentzat edo haren familiarentzat egonaldi pribatuaren kostu osoa edo zati bat finantzatu ahal izateko.

• Bitarteko espezializatuak edo zaintza-maila handiak behar dituen osasun-laguntzaren beharrik ez du izan behar.

• Ez da eduki behar gaixotasun infezioso-kutsakorrik.

• Ez du izan behar zentroaren funtzionamendua larriki desitxuratzen duen jokabide-nahasmendurik eta/edo portaerarik.

• Ez du zorrik eduki behar aurreko aldi baterako egonaldiengatik edo Gipuzkoako Foru Aldundiko Gizarte Politikako Departamentuak emandako beste zerbitzu batzuengatik.

Berariaz:

• Baliabidea egokia dala azaltzen duen orientazio-txostena eduki behar da.
• MBB balorazioa eduki behar da (salbuespenak daude).

Sartzeko modua

Balorazio-hitzordua Lehen Mailako Arreta Zerbitzuko gizarte-langileekin

          Gizarte Zerbitzuak (08:30etik 14:00etara)

          Otalora kalea, 1(Liburutegi zaharra)

          Tel. 943 711862

          ongizate@aretxabaleta.eus