Teatro Paraiso: "Lorategian"

Haurtzarotik, haurrak irudien munduan murgilduta egoten dira, nahiz eta gehienetan modu pasiboan izan. Gure lorategian, antzerkia, bideoa, itzalak eta marrazkiak nahasten dira ikusleei bizipen bisual aktibo eta ludikoa proposatzeko.

“Lorategian eseritako emakume bat ametsetan dabil. Gizon bat iritsi, eta irudien munduan bidaia egitera gonbidatu du. Elkarrekin, zuhaitzen arteko oihala topatu dute, eta oihal hori orri txuri bihurtuko da irudiak sortu eta eraldatzeko… jolasteko eta emozioak adierazteko gune”.

Txikienek harritu egiten gaituzte, daukaten indarra eta hauskortasunaren arteko kontrasteagatik. Euren indarra momentuan dauden tokian egoteko gaitasunetik datorkie, erabat hemen, prest, beti jakinminez. Eta hauskortasuna, berriz, munduari begiratzeko duten modu ireki horretatik datorkie, euren emozioen aurrean duten barrera faltatik.

Ikuskizunaren arintasunak unibertso poetiko batera eramango gaitu, eta hor, umeek konfiantzaz eta liluraz beterik nabigatzen dute.

Egunak:

• Urriak 8, astelehena: 9:15/ 10:15/ 11:15

Non: Zaraia aretoa

Norentzat: 4-5 urtko haurrentzat

Hizkuntza: Euskara

Sarrera: doan