Ostegun kontalariak

OSTEGUN KONTALARIAK – OINARRIAK:

1. Lehiaketaren helburua: Debagoieneko gazteei jendearen aurrean beraien kontakizunak (bakarrizkerak, ipuinak, beldurrezkoak, barregurazkoak, erotikoak, txisteak, magia ikuskizunak...) plazaratzeko aukera ematea. Baita ostegun iluntzetan Aretxabaletako tabernetan herritarrei zuzendutako eskaintza kulturala antolatzea ere.
2. Antolatzailea: Aretxabaletako Udala.
3. Parte hartzaileak:  4 talde edo banakakok izango dute jende aurrean aritzeko aukera. Parte-hartzaile guztien adina gehienez 40 urtekoa izango da eta Debagoienean jaio, lan, ikasi edo bizi beharko dira.
4. Aukeraketa: Izena ematen dutenen artean aukeraketa bat egingo da. Aukeraketa egiterakoan kontakizunaren kalitatea eta originaltasuna hartuko dira kontuan, eta jasotako proposamenetatik 4k izango dute lehiaketan parte hartzeko aukera.
5. Emanaldiaren iraupena: 30-40 minutu artekoa.
6. Hizkuntza: Kontakizunak euskara hutsean izan beharko dira.
7. Kontakizunak mota askotakoak izan daitezke: bakarrizketak, ipuinak, beldurrezkoak, barregurazkoak, erotikoak, txisteak, magia ikuskizunak...
8. Emanaldiak: Emanaldiak Aretxabaletako taberna ezberdinetan izango dira, ostegun iluntzetan, 21:30ean. Emanaldien egunak honakoak izango dira: azaroak 6, azaroak 13, azaroak 20 eta azaroak 27.
9. Izen-ematea: Urriaren 3tik 20ra bitartean izena eman beharko da gazteria@aretxabaleta.net helbidera idatziz edo 943 08 10 01 telefonora deituz.
10. Publikoak emango du botoa: Ikusleek aukeratuko dituzte irabazleak bozka emanez. Ikusleek emanaldien ostean bakarrik eman ahal izango dute bozka tabernan bertan kokatutako buzoian. Garrantzia emango zaio kontakizunaren originaltasunari eta zuzeneko eszenaratzeari.
11. Saria: Irabazleak 150 euroko saria jasoko du.
12. Oinarrien onarpena: Lehiaketa honetan parte hartzeak oinarri guztiak onartzea dakar.